"Allah ko bandey ki Toba boht pasand hai"
"Aik bazurg kahin jaa rahe the to dekha raah mein
khare no-jawan is bat per behas kar rahe the key
Jo kabhi gunah na kare us per Allah Ta'la ki nigah-e-karam
ziyada aur khas hoti hai ya phir us per jo gunah kar key toba kar ley.
Bazurg qareeb pohnchey aur kaha main koi Aalim to nahi lekin
mera tajarba kaprey bun'ney ka hai, lambey dhagey hote hain
jo dhaga toot jae is ki main girah lagata hoon aur phir us per khas nazar
rakhta hoon key kahin phir se na toot jaey.
Mumkin hai key gunahon se jis ki taar toot gai ho Allah se wo sachi
toba ki girah lagata hai aur phir Allah us per nazar-e-khas rakhta hai
key kahin phir se na toot jaey"
Post a Comment